ஐ.தே.கவின் பாராட்டுக்காக ஏங்கும் திஸ்ஸ

ஐக்கிய தேசிய கட்சிக்காக தான் மேற்கொண்ட சேவைகள் தொடர்பில் தம்மை பாராட்ட வேண்டும் என பாராளுமன்ற உறுப்பினர் திஸ்ஸ அத்தநாயக்க தெரிவித்துள்ளார்.
ஊடகங்களுக்கு கருத்து தெரிவித்த போதே அவர் இவ்வாறு குறிப்பிட்டுள்ளார்.

ஐக்கிய தேசிய கட்சியின் முன்னாள் பொதுச் செயலாளர் திஸ்ஸ அத்தநாயக்கவை ஐக்கிய தேசிய கட்சியில் இருந்து நீக்கியமை சட்ட ரீதியற்றது என உயர் நீதிமன்றம் நேற்று தீர்ப்பளித்திருந்தது.

தம்மை ஐக்கிய தேசிய கட்சியின் உறுப்புரிமையில் இருந்து நீக்கியமைக்கு எதிராக திஸ்ஸ அத்தநாயக்க தாக்கல் செய்த மனு மீதான விசாரணையின் போதே உயர் நீதிமன்றம் இந்த தீர்ப்பை வழங்கியிருந்தது.

ஐக்கிய தேசிய கட்சியின் வெற்றிக்காக தாம் கடந்த மூன்று தசாப்தங்களாக பாடுபட்டுள்ளதாக அவர் ஊடகஙகளுக்கு கருத்து தெரிவித்துள்ளார்.

ஐக்கிய தேசிய கட்சி இன்று பெற்ற வெற்றியானது ஒரே இரவில் பெற்ற ஒன்று அல்ல.

இதற்காக நானாற்றிய பங்கு அளப்பரியது என அவர் ஊடகங்களிடம் தெரிவித்துள்ளது.

ஐக்கிய தேசிய கட்சி பிளவுபட்ட சந்தர்ப்பத்திலும், தலைவருக்கு எதிராக மேற்கொள்ளப்பட்ட சேறு பூசும் நடவடிக்கைகளின் போதும் நான் கட்சியின் சார்பில் கடுமையாக போராடியுள்ளேன்.

தாம் ஐக்கிய தேசிய கட்சிக்காக கடுமையாக உழைத்துள்ள நிலையில், தமது சேவைகளை கட்சியின் தலைமை பாராட்ட வேண்டும் என்றும் திஸ்ஸ அத்தநாயக்க குறிப்பிட்டுள்ளார்.