எனது வருகைக்காக இன்னும் ஒருவாரம் காத்திருங்கள்: சோமவன்ச

தனது எதிர்கால நடவடிக்கை தொடர்பாக எதிர்வரும் வாரத்தினுள் மக்களுக்கு அறிந்துக்கொள்ளும் வாய்ப்புகள் உள்ளதென சமீபத்தில் மக்கள் விடுதலை முன்னணியில் இருந்து விலகிய முன்னாள் தலைவர் சோமவன்ச அமரசிங்க தெரிவித்துள்ளார்.
தனது எதிர்கால நடவடிக்கைகள் குறித்து சிங்கள ஊடகமொன்றிற்கு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

சோமவன்ச அமரசிங்க பல்வேறு அரசியல் கட்சிகளில் கலந்துரையாடியதாக ஊடகங்களில் கடந்த வாரங்களில் செய்தி வெளியாகியது.

சோமவன்ச அமரசிங்க ஜனசெத பெரமுன கட்சியுடன் இணைந்து எதிர்வரும் அரசியல் நடவடிக்கைகளை மேற்கொள்ளவுள்ளதாக பல்வேறு ஊடகங்களில் வெளியாகிய செய்தி உண்மையில்லை என அவர் குறிப்பிட்டுள்ளார்.

தான் ஜனசெத பெரமுன கட்சியுடன் கலந்துரையாடல் மேற்கொண்டதற்காக அக்கட்சியின் கீழ் எதிர்வரும் பொது தேர்தலில் போட்டியிடுவது தொடர்பில் எவ்வித தீர்மானமும் மேற்கொள்ளவில்லை என அவர் தெரிவித்துள்ளார்.