செட்டிநாடு முட்டை கிரேவி

தேவையான பொருட்கள்:

முட்டை – 5-6 (வேக வைத்தது)
வெங்காயம் – 3 (பொடியாக நறுக்கியது)
மிளகாய் தூள் – 2 டீஸ்பூன்
புளி சாறு – 2 டீஸ்பூன்
மஞ்சள் தூள் – 1 டீஸ்பூன்
உப்பு – தேவையான அளவு
எண்ணெய் – 1 டேபிள் ஸ்பூன்
கொத்தமல்லி – சிறிது (நறுக்கியது)

செய்முறை:

முதலில் ஒரு வாணலியை அடுப்பில் வைத்து, அதில் எண்ணெய் ஊற்றி வெங்காயத்தைப் போட்டு பொன்னிறமாக வதக்க வேண்டும்.

பின்னர் அதில் புளிச்சாறு, மிளகாய் தூள், மஞ்சள் தூள், உப்பு சேர்த்து கிளறி, தீயை குறைவில் வைத்து, 5-7 நிமிடம் வதக்கி விட வேண்டும்.

கலவையானது ஒரு பதத்திற்கு வந்ததும், அதனை இறக்கி, முட்டையை இரண்டாக வெட்டி வாணலியில் வைத்து, முட்டையின் மேல் அந்த கலவை நன்றாகப் படும்படி பிரட்டி, அதன் மேல் கொத்தமல்லியைத் தூவி பரிமாறினால், சூப்பரான முட்டை ரெசிபி ரெடி!!!