மியன்மாரில் 7 மாதங்களாக தடுத்து வைக்கப்பட்டிருந்த 17 மீனவர்கள் விடுதலை

மியன்மாரில் கைது செய்யப்பட்டு கடந்த 7 மாதங்களாக தடுத்து வைக்கப்பட்டிருந்த 17 இலங்கை மீனவர்கள் விடுதலை செய்யப்பட்டுள்ளதாக பிரதி வெளிவிவகார அமைச்சர் அஜித்.பீ. பெரேரா தெரிவித்துள்ளார்.
அரசாங்கம் தலையிட்டு மியன்மார் அதிகாரிகளுடன் நடத்திய பேச்சுவார்த்தைகளை அடுத்து, இலங்கை மீனவர்களை அவர்களிடம் படகுகளுடன் விடுவிக்குமாறு மியன்மார் அதிகாரிகள் உத்தரவிட்டுள்ளதாகவும் அவர் கூறியுள்ளார்.

சில படகுகள் தற்போது மியன்மாரில் திருத்தப்பட்டு வருவதாகவும் அந்த பணிகள் முடிவடைந்த பின்னர், மீனவர்கள் நாடு திரும்புவார்கள் எனவும் பிரதியமைச்சர் குறிப்பிட்டுள்ளார்.