19ற்கு ஆதரவு தெரிவித்து ஆர்ப்பாட்டங்கள்

19வது திருத்தச் சட்டத்தை நிறைவேற்றுமாறு வலியுறுத்தி மக்கள் விடுதலை முன்னணி ஆர்ப்பாட்டமொன்றை முன்னெடுத்துள்ளது.
தற்போதைய அரசாங்கத்திற்கு ஆதரவு வழங்கும் நோக்கிலேயே மக்கள் விடுதலை முன்னணி இவ் ஆர்ப்பாட்டத்தை முன்னெடுத்துள்ளது.

மக்கள் விடுதலை முன்னணி உறுப்பினர்களுக்கும், ஜனாதிபதிக்கும் இடையில் அண்மையில் நடைபெற்ற பேச்சுவார்த்தையின் போது 19வது அரசியலமைப்பு திருத்த சட்டமூலத்திற்கு எதிராக எந்த தரப்பினர் ஆர்ப்பாட்டங்களை மேற்கொண்டாலும் இந்த அரசியலமைப்பு சட்டமூலம் நிறைவேற்றப்படுவது உறுதி என ஜனாதிபதி மைத்திரிபால சிறிசேன தெரிவித்துள்ளார்.

இதேவேளை 19வது அரசியலமைப்பு திருத்தத்தை நிறைவேற்றுமாறு வலியுறுத்தி ராஜகிரிய என்.எம்.பெரேரா நினைவுச் சிலைக்கு அருகில் இருந்து பிரஜைகள் அமைப்பின் ஒன்றியம், ஆரம்பித்து வைத்திருக்கும் பாத யாத்திரை தற்போது பாராளுமன்ற வளாகத்தை அண்மித்துள்ளது.

முன்னாள் ஜனாதிபதி சந்திரிகா பண்டாரநாயக்க குமாரதுங்க, மாதுழுவாவே சோபித தேரர், அதுரலியே ரத்தின தேரர், பிரதியமைச்சர் சுஜீவ சேனசிங்க உட்பட்ட பலர் இதில் பங்கேற்றுள்ளனர்.