தன்னைப் பிடித்திருக்கும் சனியை விரட்ட நுவரெலியாவில் யாகம் வளர்க்கும் மகிந்த

முன்னாள் ஜனாதிபதி மகிந்த ராஜபக்சவுக்கு தற்போது சனி தோசம் பிடித்துள்ளதனால்,இதனைப் போக்க விசேட யாகமொன்றை வளர்ப்பதற்கு அவர் தீர்மானித்துள்ளார்.
முன்னாள் அமைச்சர் ஆறுமுகம் தொண்டமான் தலைமையில், நுவரெலியாவிலுள்ள ரம்பொடை, தவலந்தென்ன, வேவென்டன் தோட்டத்தில் அமைந்துள்ள அனுமான் ஆலயத்தில் இன்று காலை மகிந்தவிற்காக யாகம் வளர்க்கப்பட்டுள்ளது.

ஆறுமுகன் தொண்டமானின் ஏற்பாட்டில் நடைபெறும் இந்த யாகத்தில் முன்னாள் ஜனாதிபதி மகிந்த ராஜபக்ச கலந்து கொள்ளவுள்ளதாக குறிப்பிடப்படுகின்றது.

இந்த யாகத்திற்காக இந்தியாவில் இருந்து விசேட குருக்கள் சிலர் தொண்டமானால் அழைத்து வரப்பட்டுள்ளதாகவும் தகவல்கள் வெளியாகியுள்ளது.

இந்த யாகத்தில், சுமார் 500 பேர் வரை கலந்துகொள்கின்ற அதேவேளை, இவர்களுக்கான உணவு தொண்டமான் நிதியத்தினால் வழங்கப்படவுள்ளது.

குறித்த யாகம் நிறைவடைந்த பின்னர் மகிந்த ராஜபக்சவிற்கு, தொண்டமான் அவர்களால் விசேட மதிய உணவு விருந்தொன்றும் ஏற்பாடு செய்யப்பட்டுள்ளது.

மதிய உணவு விருந்து உபசாரம் ரம்பொடை, தவலந்தென்னயில் அமைந்துள்ள தொண்டமானின் வேவென்டன் மாளிகையில் வழங்கப்படவுள்ளது.