சிறைச்சாலை சோதனையின் போது 73 கையடக்க தொலைபேசிகள் மீட்பு!

ஜனவரி மாதம் முதல் ஏப்ரல் மாதம் வரை நாடு பூராகவும் உள்ள பிரதான சிறைச்சாலைகளில் இடம் பெற்ற சோதனை நடவடிக்கைகளின் போது 73 கையடக்கத் தொலைபேசிகள் மீட்கப்பட்டுள்ளது.
இதேவேளை, 54 சிம் அட்டைகளும் மீட்கப்பட்டுள்ளதாக நீதி அமைச்சு தெரிவித்துள்ளது.

சிறைச்சாலையினுள் உள்ள கைதிகளை பார்வையிடுவதற்கு வருகை தருகின்ற நபர்கள் கையடக்கத் தொலைபேசி மற்றும் சிம் அட்டைகளை வழங்கி சென்றுள்ளதாக தகவல்கள் கிடைத்துள்ளது.

இவ்வாறு கிடைத்துள்ள தகவலுக்கமைய மேற்கொள்ளப்பட்ட திடீர் சோதனைகளின் போது குறித்த கையடக்க தொலைபேசிகள் மற்றும் சிம் அட்டைகள் என்பன கைப்பற்றபட்டுள்ளன.