வெலிக்கடை சிறைச்சாலை மோதல்! நேரில் கண்டவர் சாட்சி

வெலிக்கடை சிறைச்சாலையில் கடந்த 2012ம் ஆண்டு நடைபெற்ற மோதல் குறித்து குற்றப்புலனாய்வு திணைக்களத்தில் வாக்குமூலம் வழங்கப்பட்டுள்ளது.
அப்போதைய கைதியான சுதேஷ் நந்திமால் டி சில்வா என்ற நபரே நேற்றைய தினம் இந்த வாக்குமூலத்தை வழங்கியுள்ளார்.

2012ம் ஆண்டு நவம்பர் மாதம் 9ம் திகதி வெலிக்கடை சிறைச்சாலையில் மேற்கொள்ளப்பட்ட சோதனை நடவடிக்கையின் போது ஏற்பட்ட மோதலில் 27 கைதிகள் பலியானதுடன், 40ற்கும் மேற்பட்ட பாதுகாப்பு தரப்பினர் காயமடைந்தனர்.

வெலிக்கடை சிறைச்சாலை ஏற்பட்ட மோதல் குறித்து முன்னெடுக்கப்படும் விசாரணைகளுக்கு அமையவே இந்த வாக்கு மூலம் பதிவு செய்யப்பட்டுள்ளது.

குறித்த சம்பவம் தொடர்பில் சட்ட மற்றும் தொழிலுறவுகள் துறை அமைச்சரினால் நியமிக்கப்பட்ட விஷேட குழுவினால் விசாரணைகள் இடம்பெற்று வருகின்றமை குறிப்பிடத்தக்கது.