ஆறு மாவட்டங்களில் மண்சரிவு அபாயம் விடுக்கப்பட்டுள்ளது

நாட்டின் ஆறு மாவட்டங்களில் மண்சரிவு ஏற்படக் கூடிய அபாயம் காணப்படுவதாக எச்சரிக்கை விடுக்கப்பட்டுள்ளது
அனர்த்த முகாமைத்துவ மத்திய நிலையத்தினால் இந்த எச்சரிக்கை விடுக்கப்பட்டுள்ளது. எதிர்வரும் 24 மணித்தியால காலப்பகுதியில் நாட்டின் பல பகுதிகளில் கடுமையான மழை பெய்யக் கூடுமென வளிமண்டலவியல் திணைக்களம் அறிவித்துள்ளது.

ஆறு மாவட்டங்களில் மண்சரிவு ஏற்படக் கூடிய அபாயம் காணப்படுவதாக அனர்த்த முகாமைத்துவ மையம் தெரிவித்துள்ளது.

இரத்தினபுரி, கண்டி, களுத்துறை, மாத்தறை, பதுளை மற்றும் காலி ஆகிய மாவட்டங்களில் மண்சரிவு அபாயம் ஏற்பட்டுள்ளது.

மண்சரிவு அபாயம் ஏற்படக் கூடிய பகுதிகளில் வாழும் மக்கள் மிகவும் அவதானத்துடன் இருக்க வேண்டுமென எச்சரிக்கை விடுக்கப்பட்டுள்ளது.

மலையகத்தில் தற்போது நிலவி வரும் சீரற்ற காலநிலையால் மக்களின் இயல்பு வாழ்க்கை பாதிக்கப்பட்டு வருகின்றது.

மலையக பகுதிகளிலும் பிரதான வீதிகளிலும் மண்சரிவு ஏற்பட வாய்ப்பு இருப்பதனால் வாகன சாரதிகள் மிகுந்த அவதானத்துடன் செயற்படுமாறும் பனிமூட்டம் அதிகரிக்கும் பட்சத்தில் வாகனங்களில் முன் விளக்கை ஒளிரவிட்டு செல்லும்போது விபத்துக்களை தவிர்த்துக்கொள்ளலாம் என பொலிஸார் அறிவுறுத்தியுள்ளனா்.