நாடாளுமன்ற உறுப்பினர்களிடம் வாக்கு மூலம் பெறமுன் என்னிடம் அனுமதி வாங்கவேண்டும்: சபாநாயகர் சமல்

நாடாளுமன்ற உறுப்பினர்களிடம் வாக்கு மூலம் பெற்றுக் கொள்ளப்படும் போது அது குறித்து முன்னரே தமக்கு அறிவிக்க வேண்டுமென சபாநாயகர் சமால் ராஜபக்ச தெரிவித்துள்ளார்.
நாடாளுமன்றில் இன்றைய தினம் அவர் இதனைக் குறிப்பிட்டுள்ளார்.

லஞ்ச ஊழல் மோசடி தவிர்ப்பு ஆணைக்குழு, நாடாளுமன்ற உறுப்பினர்களிடம் விசாரணை நடத்த வேண்டுமாயின், அல்லது வாக்கு மூலம் பெற்றுக் கொள்ள வேண்டுமாயின் அது குறித்து சபாநாயகருக்கு அறிவிக்க வேண்டும் என அவர் தெரிவித்துள்ளார்.

இலஞ்ச ஊழல் மோசடி தவிர்ப்பு பிரிவினர் முன்னாள் ஜனாதிபதி மஹிந்த ராஜபக்சவிடம் விசாரணை நடத்தக் கூடாது எனக் கோரி ஒரு தொகுதி நாடாளுமன்ற உறுப்பினர்கள் போராட்டம் நடத்தி வருகின்றனர்.

இந்நிலையிலேயே சபாநாயகர் இவ்வாறு நாடாளுமன்றில் அறிவித்துள்ளார்.