தோஷங்கள் விலக அரவாணிகளின் ஆசி

ஜோதிட ரீதியாக பார்க்கும்போது அரவாணிகளிடம் ஆசிர்வாதம் வாங்குவது அவர்களுக்கு உதவி செய்வது ஒரு ஜாதகருக்கு என்றுமே ஏற்றம் தரக்கூடியது. அரவாணிகள் கண்ணனின் வாரிசுகளாவர். அரவாணிகள் நம்மை ஆசிர்வாதம் செய்யும்போது அது கண்ணனே நம்மை ஆசிர்வாதம் செய்வது போன்றது.

பரிகாரம் எதுவுமே பலனளிக்கவில்லை என்ற நிலை இருந்தாலும் ஒரு அரவாணியிடம் ஆசி வாங்குவது உடனே உயர்நிலையை தரக்கூடியது. அரவாணிகள் புதனின் அம்சம். பலவித திருஷ்டிகள் விலகுவது அரவாணிகளின் ஆசியில் தான். சிலர் பரிகாரம் செய்தவுடன் நல்ல பலன் தெரியும். அதன் உள்காரணத்தை பார்த்தால் பயணம் மேற்கொள்ளும் போது ஏதேனும் அரவாணிகளுக்கு உதவி செய்திருப்பார்கள்.

அவர்கள் ஆசி தரும்போது அந்த பரிகாரத்தை மீறிய நற்பலன் கிட்டும். புத்திர தோஷம் / திருமண தோஷம் / மாங்கல்ய தோஷம், தீரா கடன் உடையவர்கள், அரவாணிகளிடம் ஆசி வாங்கினால் தோஷம் நீங்குவது உறுதி. சுயதொழில் செய்வோர் பெரிய நிறுவனங்கள் நடத்துபவர்கள் என்றுமே ஏற்றம் பெற, திருஷ்டி விலக இது போன்ற அரவாணிகளை கூடவே வேலைக்கு வைத்திருப்பது சிறந்தது.