நாகதோஷத்திற்கு பெரியவர்கள் ஆசியே சிறந்த பரிகாரம்

கடும் நாகதோஷத்தால் பலர் பல கோவில்களுக்கும் சென்று பார்த்திருப்பர். இருப்பினும் ஜாதக ரீதியில் சிலருக்கு இருக்கும் கடினமான தன்மையால் பல கோவில்களுக்கு சென்றுவந்தாலும் நீங்குவதற்க்கு சில நாட்கள் ஆகும். ஜாதக ரீதியாக ராகு, கேது மூலமாக ஏற்படும் தோஷமே நாகதோஷம் எனப்படும்.

தமிழ்நாட்டில் தஞ்சாவூர் அருகே திருநாகேஸ்வரம், கீழப்பெரும்பள்ளம், மற்றும் திருப்பாம்புரம், ஆந்திரா அருகேயுள்ள காளஹஸ்தி போன்ற இடங்கள் ராகு கேதுவுக்கு பரிகார ஸ்தலமாக சொல்லப்படுகிறது. இருப்பினும் ராகு கேது தோஷத்திற்க்கு முன்னோர்கள், மூத்தோர்கள் ஆசியும் பெரிய தீர்வை தரக்கூடிய விஷயமாகும்.

ராகு, கேது தோஷம் என்பது முன்னோர்களால் நமக்கு ஏற்படக்கூடியது ஆகும். அதனால் நம் தாத்தா பாட்டியிடம் ஆசிர்வாதம் வாங்கினால் அது ஒரு சிறந்த பரிகாரமாக சொல்லப்படுகிறது. ஒவ்வொரு பெளர்ணமியன்று நம் தாத்தா பாட்டிக்கு புதிய துணிமணிகள் எடுத்துக்கொடுத்து, அவர்கள் காலில் விழுந்து வணங்கவேண்டும்.

பின்பு சிறிது பூவைக்கொடுத்து நம்மை ஆசிர்வாதம் செய்ய சொல்ல வேண்டும். இப்படி ஆசி வாங்குவதால் நாகதோஷத்தின் வீரியம் கொஞ்சம் கொஞ்சமாக குறையும் என்பது நம்பிக்கை.