வெலே சுதாவுடன் தொடர்புகளைப் பேணவில்லை - கயேஸா பெரேரா

போதைப்பொருள் வர்த்தகர் வெலே சுதாவுடன் தொடர்புகளைப் பேணவில்லை என முன்னணி திரைப்பட நடிகையும்,மஹிந்த ராஜபக்ஸவின் ஆதரவாளருமான கயேஸா பெரேரா தெரிவித்துள்ளார்.
சில சேறு பூசும் இணையத்தளங்கள் எனது பெயருக்கு களங்கம் ஏற்படுத்த முயற்சிக்கின்றன.

நானும் வெள்ளைக்கொடி ஏந்திக்கொண்டு நல்லாட்சி கோமாளிகளுடன் இணைந்திருந்தால் இன்று நானும் ஒர் விகாரமகாதேவி போன்ற வரலாற்றுப் புகழ் மிக்க பெண்ணாக போற்றப்பட்டிருப்பேன்.

எனது அரசியல் பயணத்திற்கு தடை ஏற்படுத்தும் தரப்பினர் இவ்வாறு பிழையான பிரச்சாரங்களை செய்கின்றனர்.

இந்த முட்டாள்தனமான பிரச்சாரங்களுக்கு எதிராக புலனாய்வு பிரிவு மற்றும் பொலிஸ் மா அதிபரிடம் இன்று முறைப்பாடு செய்யவுள்ளேன்.

எனது கணவருக்கு என்னைப் பார்த்துக் கொள்ளும் அளவிற்கு வசதி உண்டு.

போதைப் பொருள் வர்த்தகத்தில் ஈடுபட வேண்டிய அவசியம் எமக்கு கிடையாது.

இவ்வாறான பொய் செய்திகளை வெளியிட்டு சில இணையத்தளங்கள் பிரபல்யம் அடைய முயற்சிக்கின்றன என கயேஸா பெரேரா சிங்கள இணையத்தளமொன்றுக்கு நேர்காணல் வழங்கியுள்ளார்.