வெலே சுதாவுடன் தொடர்புகளை பேணியதாக கூறப்படும் குற்றச்சாட்டை மறுக்கும் நடிகைகள்!

பிரபல போதைப்பொருள் வர்த்தகரான வெலே சுதாவுடன் இலங்கையின் சில பிரபல நடிகைகள் தொடர்புகளை பேணியதாக சுமத்தப்படும் குற்றச்சாட்டை சில நடிகைகள் மறுத்துள்ளனர்.
நேற்று இடம்பெற்ற ஊடகவியலாளர் சந்திப்பில் கலந்துகொண்டு கருத்து தெரிவிக்கும் போதே அவர்கள் இக்குற்றச்சாட்டை மறுத்துள்ளனர்.

அவ் ஊடகவியலாளர் சந்திப்பில் நடிகைகளான ஷேமினி இத்தமல்கொட மற்றும் லோசனா இமாசி உள்ளிட்டோர் கலந்து கொண்டிருந்தனர்.

சாட்சியங்களுடன் நிரூபிக்க முடிந்தால் மாத்திரமே இவ்வாறான குற்றச்சாட்டுக்களை தம்மீது சுமத்த வேண்டும் என நடிகை ஷேமினி இத்தமல்கொட தெரிவித்துள்ளார்.

மேலும் அவர் அங்கு கருத்து தெரிவிக்கையில், அண்மையில் விபச்சார விடுதியொன்றில் இருந்து நடிகைகள் சிலர் கைது செய்யப்பட்டதாக செய்திகள் வெளியாகின.

உண்மையில் அங்கு பிரபல நடிகைகள் யாரும் இருக்கவில்லை.செய்தியின் சுவாரசியத்தை அதிகரிப்பதற்காக ஊடகங்களே இவ்வாறு நடிகைகள் என்ற வசனத்தை பயன்படுத்தியுள்ளது எனவும் அவர் சுட்டக்காட்டியுள்ளார்.