இந்திய கடற்படையால் கைதுசெய்யப்பட்ட உறவினர்களை விடுதலை செய்யவும்: இரனவில மீனவர்கள் வேண்டுகோள்

இந்திய கடற்படையினரால் கைது செய்யப்பட்டுள்ள தமது உறவினர்களை விடுதலை செய்யுமாறு சிலாபம், இரனவில மீனவ சமூகத்தினர் வேண்டுகோள் விடுத்துள்ளனர்.
கடந்த மாதம் 21ஆம் திகதி திருகோணமலை கடற்பரப்பில் மீன்பிடிக்க சென்ற 6 மீனவர்களை இந்திய கடற்படையினர் கைது செய்துள்ளனர்.

இதேவேளை இம்மாதம் 4ம் திகதி சென்னை நகரத்திற்கு குறித்த மீனவர்கள் அழைத்து செல்லப்பட்டுள்ளதாக தகவல் வெளியாகியது, அதன் பின்னர் அவர்கள் குறித்து எவ்வித தகவல்களும் கிடைக்கவில்லை என மீனவர் சமூகத்தினர் குறிப்பிட்டுள்ளனர்.

இலங்கை கடற்படையினரால் கைது செய்யப்படுகின்ற இந்திய மீனவர்களை விடுதலை செய்வதற்கான நடவடிக்கை மேற்கொள்கின்ற போதிலும் இந்தியாவில் கைது செய்யப்பட்டிருக்கும் இலங்கை மீனவர்களின் விடுதலை குறித்து இந்நாட்டு அரசாங்கம் நடவடிக்கை மேற்கொள்வதில்லை என இரனவில மீனவர் சமூகத்தினர் குற்றம் சுமத்தியுள்ளனர்.