பண்டிகை காலத்தை முன்னிட்டு கொழும்பிற்கு விசேட பாதுகாப்பு ஏற்பாடு

பண்டிகை காலத்தை முன்னிட்டு கொழும்பிற்கு விசேட பாதுகாப்பு ஏற்பாடுகள் செய்யப்பட்டுள்ளன.
சிங்களத் தமிழ் புத்தாண்டை முன்னிட்டு கொழும்பு நகரில் பொருட்களை கொள்வனவு செய்ய வரும் நுகர்வோரைப் பாதுகாக்கும் நோக்கில் இந்தப் பாதுகாப்பு ஏற்பாடு செய்யப்பட்டுள்ளது.

சீருடை தரித்த மற்றும் சிவில் உடையணிந்த பொலிஸ் உத்தியோகத்தர்கள் கடமையில் ஈடுபடுத்தப்பட உள்ளனர்.

எதிர்வரும் புத்தாண்டை கொண்டாடுவதற்கான பொருட்கள் கொள்வனவில் ஈடுபட பெரும் எண்ணிக்கையிலான நுகர்வோர் கொழும்பிற்கு வருகை தரவுள்ளனர் என பொலிஸ் ஊடகப் பேச்சாளர் ருவன் குணசேகர தெரிவித்துள்ளார்.

இவர்களின் பாதுகாப்பிற்கு விசேட பாதுகாப்பு ஏற்பாடுகள் செய்யப்பட்டுள்ளன.

கொழும்பு நகர் மட்டுமன்றி நாட்டின் முக்கியமான நகரங்கள் அனைத்திலும் விசேட பாதுகாப்பு ஏற்பாடுகள் செய்யப்பட்டுள்ளன.

மது போதையில் வாகனத்தை செலுத்துவோர் மற்றும் மோசடியான முறையில் வர்த்தக நடவடிக்கைகளில் ஈடுபடுவோர் போன்றவர்களை கைது செய்ய நடவடிக்கை எடுக்கப்பட உள்ளதாக பொலிஸ் ஊடகப் பேச்சாளர் தெரிவித்துள்ளார்.