க.பொ.த. சாதாரண தரப் பரீட்சை முடிவுகள்! மட்டக்களப்பு வின்சன்ட் மகளிர் கல்லூரி சாதனை

வெளியாகியுள்ள க.பொ.த. சாதாரண தரப் பரீட்சை முடிவுகளின் அடிப்படையில் வின்சன்ட் மகளிர் உயர் தேசிய பாடசாலை சாதனை படைத்துள்ளது.
பாடசாலையில் 24 மாணவர்கள் 09 பாடங்களிலும் ஏ சித்திகளைப் பெற்றுள்ளதுடன் எட்டுப் பாடங்களில் எட்டுப்பேர் ஏ சித்திகளைப் பெற்றுள்ளதுடன் ஏழு பாடங்களில் ஏ சித்திகளைப் பெற்றுள்ளனர்.

மட்டக்களப்பு மாவட்டத்தில் அதிகளவு ஏ சித்திகளைப் பெற்ற பாடசாலையாக வின்சன்ட் மகளிர் உயர் தேசிய பாடசாலை சாதனை படைத்துள்ளது.

இதேவேளை மட்டக்களப்பு மைக்கேல் கல்லூரியில் 12 மாணவர்கள் ஒன்பது பாடங்களில் ஏ சித்திகளைப் பெற்றுள்ளதுடன் 08 மாணவர்கள் புனித சிசிலியா பெண்கள் பாடசாலையில் ஒன்பது பாடங்களில் ஏ சித்திகளைப் பெற்றுள்ளனர்.

இதேநேரம் மட்டக்களப்பு, மண்முனை வடக்கு கோட்டத்துக்குட்பட்ட பாடசாலைகளில் 49 மாணவர்கள் ஒன்பது பாடங்களில் ஏ சித்திகளைப் பெற்றுள்ளதாகவும் 65க்கும் மேற்பட்டோர் 8 பாடங்களில் ஏ சித்திகளைப் பெற்றுள்ளதாக மண்முனை வடக்கு கோட்டக் கல்விப் பணிப்பாளர் ஏ.சுகுமாரன் தெரிவித்தார்.