பரீட்சையில் கணிதத்தை தவறவிட்ட மாணவியின் வாழ்க்கையும் தவறிய கொடுமை

கல்வி பொதுத் தராதர சாதாரண தர பரீட்சைக்கு தோற்றிய மாணவியொருவர் தூக்கிட்டு தற்கொலை செய்து கொண்டுள்ளார்.
புஸ்ஸல்லாவ பீ.எப்.தோட்டத்தைச் சேர்ந்த மாணவியே இவ்வாறு தற்கொலை செய்துகொண்டுள்ளார்.

க.பொ.த சாதாரண தரப் பரீட்சையில் கணிதப் பாடத்தில் சித்தியடையாத காரணத்தினாலேயே மாணவி தற்கொலை செய்து கொண்டுள்ளதாக, பொலிஸ் ஊடகப் பேச்சாளரும், உதவிப் பொலிஸ் அத்தியட்சகருமான ருவன் குணசேகர தெரிவித்துள்ளார்.

குறித்த மாணவி கடிதம் ஒன்றில் தனது தற்கொலைக்கான காரணத்தை எழுதி வைத்து விட்டு, உயிரிழந்துள்ளதாக விசாரணைகளின் மூலம் தெரியவந்துள்ளது.

அத்துடன் உயிரிழந்த மாணவி முதல் முறை பரீட்சைக்கு தோற்றிய போது கணித பாடத்தில் சித்திய பெறாமையினால் அடுத்த முறை சித்தியெய்து தருவதாக கூறி உயர்தர வகுப்பில் பயின்று வந்துள்ளார்.

பாடசாலை ஆசிரியர், பெற்றோர் உள்ளிட்டோர் குறித்த மாணவி கணித பாடத்தில் சித்தி பெறவில்லையென கடிந்து கொண்டமையினால் விரக்தியடைந்த நிலையிலேயே தூக்கிட்டு தற்கொலை செய்து கொண்டுள்ளார்.

இது தொடர்பான மேலதிக விசாரணைகளை புஸ்ஸல்லாவ பொலிஸார் மேற்கொண்டு வருகின்றனர்.