நந்திக்கடல் களப்பை சுத்தம் செய்த ஜே.வி.பி

இறுதிக்கட்ட போர் இடம்பெற்ற நந்திக்கடல் களப்பில் குவிந்து கிடந்த பாசிகள் மற்றும் சேறு என்பன ஜே.வி.பியின் தலைமையில் அண்மையில் நடைபெற்ற சிரமதானத்தின் போது அகற்றி துப்பரவு செய்யப்பட்டுள்ளன.
குறித்த பிரதேசத்திற்கு அண்மையில் விஜயம் செய்த ஜே.வி.பியின் நாடாளுமன்ற உறுப்பினர் சுனில் அந்துன்நெத்தி விடுத்த கோரிக்கைக்கு அமைய இந்த சிரமதானம் மேற்கொள்ளப்பட்டதுடன் அதில் பிரதேசத்தை சேர்ந்த மீனவர்கள் அதிகளவில் பங்கேற்றனர்.

நந்திக்கடல் களப்பில் மீன்பிடியில் ஈடுபடும் 5 ஆயிரம் மீனவ குடும்பங்கள் இறால் வளர்ப்பை தமது வாழ்வாதாரமாக கொண்டுள்ளனர்.

தொழிலில் ஈடுபடும் போது தாம் எதிர்நோக்கும் பிரச்சினைகளை பிரதேச மக்கள் நாடாளுமன்ற உறுப்பினர் சுனில் அந்துன்நெத்தியிடம் முன்வைத்துள்ளதுடன் களப்பை துப்பரசு செய்து தருமாறும் கோரிக்கை விடுத்திருந்தனர்.