நடிகை ரதி தனது கணவர் மீது பொலிசில் பரபரப்பு புகார்

பிரபல தமிழ் மற்றும் இந்தி நடிகையான ரதி அக்னிஹோத்ரி தனது கணவர் மீது குடும்ப வன்முறை சட்டத்தின்கீழ் பொலிசில் புகார் அளித்துள்ளார்.
தமிழ் மற்றும் இந்தியில் பல திரைப்படங்களில் நடித்துள்ள, ரதி அக்னிஹோத்ரி பிரபல கட்டிட வடிவமைப்பாளரான அனில் விர்வானி என்பவரை கடந்த 1985-ம் ஆண்டு திருமணம் செய்து கொண்டார்.

தெற்கு மும்பையில் உள்ள கணவரின் வீட்டில் வசித்து வரும் ரதி, சமீப காலமாக கணவர் தன்னை அடித்து, உதைத்து, உடல்ரீதியாகவும், மனரீதியாகவும் துன்புறுத்தி வருவதாக மும்பை பொலிசில் புகார் அளித்துள்ளார்.

இதையடுத்து, அவரது கணவர் அனில் விர்வானி மீது இந்திய தண்டனை சட்டம் 498A , 323, 350 மற்றும் 506 ஆகிய பிரிவுகளில் வழக்கு பதிவு செய்யப்பட்டுள்ளது.

தற்போது வழக்கு பதிவு செய்துள்ள பொலிசார் இந்த வழக்கில் உரிய நடவடிக்கை எடுக்கப்படும் என்று தெரிவித்துள்ளனர்.