காலியில் மகிந்தவுக்கு ஆதரவான கலந்துரையாடல்!

முன்னாள் ஜனாதிபதி மகிந்த ராஜபக்சவை செயற்பாட்டு ரீதியான அரசியலுக்கு மீண்டும் அழைத்து வருவது தொடர்பில் காலி மாவட்டத்தை சேர்ந்த ஸ்ரீலங்கா சுதந்திரக் கட்சியின் மக்கள் பிரதிநிதிகள் நேற்று கலந்துரையாடியுள்ளனர்.
பத்தாதுவ பிரதேசத்தில் உள்ள ஹொட்டல் ஒன்றில் நேற்றிரவு இந்த கலந்துரையாடல் நடைபெற்றது. அதில் காலி மாவட்டத்தை பிரதிநிதித்துவப்படுத்தும் சுதந்திரக் கட்சியை சேர்ந்த மாகாண சபை, பிரதேச சபைகளின் உறுப்பினர்களும் நான்கு நாடாளுமன்ற உறுப்பினர்களும் கலந்து கொண்டுள்ளனர்.

நான்கு நாடாளுமன்ற உறுப்பினர்கள் உட்பட சுதந்திரக் கட்சியை சேர்ந்த 40 மக்கள் பிரதிநிதிகள் இதில் கலந்து கொண்டனர்.

நாடாளுமன்ற உறுப்பினர் நிஷாந்த முத்துஹெட்டிகம, ரமேஷ் பத்திரன, மொஹான் டி சில்வா, மனுஷ நாணயக்கார ஆகியோர் இந்த கலந்துரையாடவில் கலந்து கொண்டனர்.