இலங்கைக்கு இரு யுத்தக் கப்பல்களை வழங்க இந்திய தீர்மானம்

இலங்கையின் கடலோரப் பாதுகாப்புக்காக இந்தியா இரண்டு யுத்த கப்பல்களை இலங்கைக்கு வழங்கவுள்ளதாக இந்தியாவின் பாதுகாப்பு உற்பத்திகளுக்கான இணையமைச்சர் ராவே இந்தெர்ஜித் சிங் குறிப்பிட்டுள்ளார்.
இரு கடலோர கண்காணிப்பு கப்பல்களை வழங்குமாறு இலங்கை கேட்டுக்கொண்டுள்ளதாக இணையமைச்சர் ராவே இந்தெர்ஜித் சிங் தெரிவித்துள்ளார்.

கோவாவில் இடம்பெற்ற மொறிசியசிற்கு யுத்தக் கப்பல் வழங்கும் நிகழ்வில் கலந்து கொண்டு உரையாற்றும் போது அவர், யுத்தகப்பல்களை தற்போது தயாரித்துக் கொண்டிருக்கிறோம் என தெரிவித்துள்ளார்.

குறித்த யுத்த கப்பல்களை இந்தியா உள்நாட்டிலேயே தயாரிக்கப்படுவதாகவும், வெளிநாடு எதனுடனும்,தொழில்நுட்ப ஓத்துழைப்பு இல்லை எனவும் அவர் குறிப்பிட்டுள்ளார் என இந்திய ஊடகம் ஒன்று செய்தி வெளியிட்டுள்ளது.