கட்சி நிர்வாகிகளுக்கு இறுதி எச்சரிக்கை விடுத்துள்ள விஜயகாந்த்: தேமுதிகவினர் அதிர்ச்சி

தேமுதிக தலைவர் விஜயகாந்த் தனது கட்சியின் மாநில நிர்வாகிகள், மாவட்ட செயலாளர்கள் என அனைத்து நிர்வாகிகளுக்கும் கடுமையான எச்சரிக்கையை பிறப்பித்துள்ளார்.
தேமுதிக தலைவரும் நடிகருமான விஜயகாந்தின் இரண்டாவது மகன் சண்முக பாண்டியன், 'சகாப்தம்' என்ற திரைப்படத்தின் மூலம் கதாநாயகனாக அறிமுகமாகியுள்ளார்.

இந்தப்படம் ஏப்ரலில் வெளியாகவுள்ள நிலையில், மகன் சண்முகப்பாண்டியன் நடிக்கும் படத்திற்கு, கட்சியினர் யாரும் பேனர் வைக்கக் கூடாது என விஜயகாந்த் விரும்புவதாக தெரிகிறது.

மேலும், அவ்வாறு கட்சியினர் பேனர் வைத்தால், பொதுமக்கள், நடுநிலையாளர்கள் மத்தியில் படத்திற்கான செல்வாக்கு குறைந்து விடும் என விஜயகாந்த் கருதுவதாக தகவல்கள் தெரிவிக்கின்றன.

ஆனால் விஜயகாந்தின் இந்த உத்தரவையும் மீறி, கட்சி நிர்வாகிகள் சிலர், சமூக வலைதளங்களிலும், பொது இடங்களிலும் படத்திற்கு விளம்பரம் செய்தது விஜயகாந்திற்கு கடும் எரிச்சலை ஏற்படுத்தியதாக தெரிகிறது.

எனவே, மாநில நிர்வாகிகள், மாவட்ட செயலாளர்கள் மூலம், அனைத்து மட்ட நிர்வாகிகளுக்கும் அனுப்பப்பட்டுள்ள இறுதி எச்சரிக்கையில், “கட்சி நிர்வாகிகள் யாராவது, படத்திற்கு விளம்பரம் செய்தால் அவர்களை கட்சியை விட்டே நீக்கி விடுவேன்” என அதிரடி உத்தரவை பிறப்பித்துள்ளார்.