பிரபல நடிகைக்கு பாலியல் தொல்லையளித்த தயாரிப்பாளர் கைது

ஆந்திராவில் தொலைக்காட்சி நடிகைக்கு பாலியல் தொல்லை கொடுத்த தயாரிப்பாளரை பொலிசார் கைது செய்துள்ளனர்.
ஹைதராபாத் ராஜீவ் நகர் மியாப்பூர் பகுதியில் வசித்து வரும் வெங்கடாசலபதி (25) தொலைக்காட்சி தொடர் தயாரித்து வருகிறார்.

இவர் தயாரிக்கும் தொடரில் பிரபல தொலைக்காட்சி நடிகை சந்தியா நடித்து வந்தார்.

அந்த நடிகையிடம் படப்பிடிப்பின் போது தயாரிப்பாளர் வெங்கடாசலபதி ஆபாச வார்த்தைகளால் பேசி தொல்லை கொடுத்ததாக கூறப்படுகிறது.

வெங்கடாசலபதியின் தொந்தரவு பொறுக்காமல் அவர் தயாரிக்கும் தொடரில் நடிப்பதை நடிகை சந்தியா நிறுத்தி விட்டார்.

அதன் பிறகும் சந்தியா செல்லும் இடங்களுக்குகெல்லாம் தயாரிப்பாளர் வெங்கடாசலபதி பின் தொடர்ந்து சென்று பாலியல் தொல்லை கொடுத்தார்.

இதையடுத்து கடந்த ஆண்டு டிசம்பர் மாதம் போர்பண்டா அவுட் போஸ்ட் பொலிஸ் நிலையத்துக்கு நடிகை சந்தியா சென்று தயாரிப்பாளரின் பாலியல் தொல்லை குறித்து கூறினார்.

ஆனால் அதன்பின்பும் பொலிசார் நடவடிக்கை எடுக்காததால் தயாரிப்பாளர்களின் பாலியல் தொல்லை நீடித்துள்ளது.

இதனால் மன உளைச்சல் அடைந்த நடிகை தனது கணவருடன் எஸ்.ஆர். நகர் பொலிஸ் நிலையத்துக்கு சென்று தயாரிப்பாளர் மீது புகார் கொடுத்துள்ளார்.

இதனையடுத்து தயாரிப்பாளர் வெங்கடாசலபதியை கைது செய்த பொலிசார் தீவிர விசாரணையை நடத்தி வருகின்றனர்.