இலங்கை- இந்திய இராணுவ அதிகாரிகளுக்கிடையிலான பேச்சுவார்த்தை ஆரம்பம்

இலங்கை- இந்திய இராணுவ அதிகாரிகளுக்கு இடையிலான 4ம் கட்ட பேச்சுவார்த்தைகள் ஆரம்பிக்கப்பட்டுள்ளன.
இந்த பேச்சுவார்த்தை இன்று கொழும்பிலுள்ள இராணுவ தலைமையகத்தில் ஆரம்பிக்கப்பட்டுள்ளதாக தெரிவிக்கப்பட்டுள்ளது.

இரு நாட்டு இராணுவ அதிகாரிகளின் பங்கேற்றலுடன் வருடந்தோறும் இக்கலந்துரையாடல் நடைபெறுகின்றமை குறிப்பிடத்தக்கது.

அத்துடன் இக்கலந்துரையாடல் எதிர்வரும் 4 நாட்களுக்கு நடைபெறும். இதன்படி இந்திய இராணுவத்தினர் சார்பில் அனைத்துலக உறவுகளுக்கான மேலதிக பணிப்பாளர் மேஜர் ஜெனரல் ருஸ்டம் பட்நாயக் தலைமையிலான அதிகாரிகள் கலந்துரையாடலில் கலந்து கொண்டுள்ளனர்.

இராணுவ செயலாளர் மேஜர் ஜெனரல் மகேஸ் சேனாநாயக்க தலைமையில் மேஜர் ஜெனரல் பி.ஏ.பெரேரா, பிரிகேடியர் கே.பி.ஏ.ஜெயசேகர, பிரிகேடியர் டி.ஆப்ரூ, கேணல் குலதுங்க, உள்ளிட்ட அதிகாரிகள் இலங்கையை பிரதிநிதித்துவப்படுத்தி கலந்து கொண்டுள்ளனர்.