பொலிஸார் மீது முட்டைத்தாக்குதல்! ஆறு பேர் கைது

பொலிஸ் அதிகாரிகள் மீது முட்டை தாக்குதல் மேற்கொண்டதாக சந்தேகிக்கப்படும் ஆறு பேர் கைது செய்யப்பட்டுள்ளனர்.
மஹியங்கனை- பதியதலாவ சாலை சந்தியில் இடம்பெற்ற ஆர்பாட்டத்தின் போது பொலிஸார் மீது முட்டை தாக்குதல் மேற்கொள்ளப்பட்டுள்ளது.

பிரதேசத்தின் பாதைகள் தரமின்றி அமைப்பதாக கூறி கடந்த 25ஆம் திகதி பிரதேசவாசிகள் ஆர்பாட்டத்தில் ஈடுபட்டிருந்தார்கள்.

ஆர்பாட்டத்தை கட்டுபடுத்த சம்பவ இடத்திற்கு சென்ற மஹியங்கனை பொலிஸாருக்கும் ஆர்பாட்டத்தில் ஈடுபட்டிருந்த மக்களுக்கும் இடையில் மோதல் நிலை ஏற்பட்ட போது, சிலர் பொலிசார் மீது முட்டை தாக்குதல் நடத்தியுள்ளனர்.

சம்பவம் தொடர்பாக விசாரணைகள் மேற்கொண்ட மஹியங்கனை பொலிஸார் தம்மீது முட்டை தாக்குதல் நடத்தியதாக சந்தேகத்தின் பேரில் ஆறு பேரை கைது செய்துள்ளனர்.

குறித்த நபர்களை மஹியங்கனை நீதிமன்றத்தில் முன்னிலைபடுத்திய போது, இம்மாதம் 12ஆம் திகதி வரை விளக்கமறியலில் வைக்குமாறு நீதிமன்றம் உத்தரவிட்டுள்ளது.