சிங்கள புதுவருடத்திற்கும் மக்களுக்கு நிவாரணம்: லக்ஷ்மன்

எதிர்வரும் சிங்கள புதுவருடத்திற்காக மக்களுக்கு மேலும் பல நிவாரணங்கள் வழங்கவுள்ளதாக அரசாங்கம் தெரிவித்துள்ளது.
நேற்று கண்டியில் இடம் பெற்ற மக்கள் சந்திப்பில் கலந்துக்கொண்டு கருத்து தெரிவித்த பெருந்தோட்டக் கைத்தொழில் அமைச்சர் லக்ஷ்மன் கிரிஎல்ல இவ்வாறு குறிப்பிட்டுள்ளார்.

இடைகால வரவு செலவு திட்டம் மூலம் மக்களுக்கு கிடைத்த நிவாரணத்திற்கு மேலதிகமாக பல நிவாரணங்கள் வழங்கவுள்ளதாக அறிவித்துள்ளார்.

அரிசி விலை ஏன் இதுவரை குறைக்கப்படவில்லை என சிலர் கேட்கிறார்கள் அரிசி விலை குறைக்கப்படால் விவசாயிகள் பாதிக்கப்படுவார்கள்.

மேலும் சிலர் பருப்பு விலை குறைக்கப்படவில்லை ஏன் என கேட்கிறார்கள் பருப்புக்கு இரண்டு ரூபாய் வரி மாத்திரமே அறவிடப்படுவதனாலே பருப்பு விலை குறைக்கவில்லை.

விலை குறைக்க முடிந்த அனைத்தும் குறைக்கப்பட்டு தான் இருக்கின்றது. அதே போன்று சிங்கள புதுவருடத்திற்கு மேலும் பல பொருட்கள் விலை குறைக்கப்படும் என பெருந்தோட்டக் கைத்தொழில் அமைச்சர் லக்ஷ்மன் கிரிஎல்ல தெரிவித்துள்ளார்.