போர்க்குற்ற விசாரணைகள் செப்டெம்பர் மாதத்திற்குள் நிறைவடையக் கூடிய சாத்தியமில்லை: அஜித் பெரேரா

போர்க் குற்றச் செயல்கள் குறித்த விசாரணைகள் எதிர்வரும் செப்டெம்பர் மாதத்திற்குள் நிறைவடையக் கூடிய சாத்தியங்கள் கிடையாது என பிரதி வெளிவிவகார அமைச்சர் அஜித் பெரேரா தெரிவித்துள்ளார்.
உள்ளக விசாரணைகளுக்கான ஒர் கட்டமைப்பை மட்டுமே இந்தக் காலப்பகுதியில் அமைக்க முடியும். ஐக்கிய நாடுகள் மனித உரிமைப் பேரவையின் விசாரணை அறிக்கை எதிர்வரும் செப்டம்பர் மாதம் வெளியிடப்பட உள்ளது.

இந்த விசாரணை அறிக்கை வெளியிடப்படுவதற்கு முன்னதாக சகல சட்ட நடவக்கைகளையும் எடுப்பது சாத்தியமற்றது என அஜித் பெரேரா கொழும்பு ஊடகமொன்றுக்குத் தெரிவித்துள்ளார்.

இதேவேளை ஐக்கிய நாடுகள் மனித உரிமைப் பேரவையினால் இலங்கை தொடர்பில் நடத்தப்பட்ட போர்க் குற்றவியல் சர்வதேச விசாரணைகள் அறிக்கை செப்டம்பர் மாதத்தில் சமர்ப்பிக்கப்டும் எனவும் மேலும் காலம் தாழ்த்தப்படாது எனவும் ஆணையாளர் அல் ஹுசைன் தெரிவித்துள்ளார்.