முன்னாள் இராணுவத் தளபதி சரத் பொன்சேகா மேன்முறையீட்டு நீதிமன்றத்தில் மனு தாக்கல்

வழக்குகளில் மன்னிப்பு கிடைத்துள்ளதால் கடந்த பாராளுமன்றத் தேர்தலில் வென்றெடுத்த ஆசனங்களை மீளப் பெற்றுத் தரக் கோரி இன்று மேன் முறையீட்டு நீதிமன்றத்தில் சரத் பொன்சேகா மனு தாக்கல் செய்துள்ளார்.

ஏற்கனவே தமக்கு எதிரான வழக்குகளில் மன்னிப்பு வழங்கப்பட்டுள்ளதால் வென்றெடுத்த பாராளுமன்ற ஆசனத்தை பிரதிநிதித்துவப்படுத்துவதற்கான தகமை தமக்குள்ளதெனவும் சரத் பொன்சேகா தாக்கல் செய்துள்ள மனுவில் தெரிவிக்கப்பட்டுள்ளது.

தமது பாராளுமன்ற ஆசனத்தை தற்போது பிரதிநிதித்துவப்படுத்தும் ஜயந்த கெட்டகொடவை நீதிமன்றத்திற்கு அழைத்து பாராளுமன்ற ஆசனத்தை அவர் பிரதிநிதித்துவப்படுத்துவதற்கான காரணத்தை கேட்டறியுமாறும் சரத் பொன்சேகா கோரிக்கை விடுத்துள்ளார்.