டில்லியில் உள்ள தேசிய நூதனசாலை நுழைவுக் கட்டணம் ரூபா 10: இலங்கைப் பிரஜைகளுக்கு மாத்திரம்

புதுடில்லியில் அமைந்துள்ள தேசிய நூதனசாலைக்கு செல்லும் இலங்கப் பிரைஜகளுக்கான நுழைவுச் சீட்டு கட்டணம் குறைக்கப்பட்டுள்ளதாக தெரிவிக்கப்படுகின்றது.

நூதனசாலையில் வைக்கப்பட்டுள்ள கபிலவஸ்துவை பார்வையிடுவதற்கு இலங்கையர்கள் பலர் அங்கு செல்கின்றனர்.

இந்தியாவிற்கு விஜயம் செய்த ஜனாதிபதி மைத்திரிபால சிறிசேன மற்றும் இந்திய பிரதமர் நரேந்திர மோடி ஆகியோர் இடையே இடம்பெற்ற பேச்சுவார்த்தையின் விளைவாக கட்டணக் குறைப்பு தீர்மானம் எடுக்கப்பட்டுள்ளது.

இந்திய தேசிய நூதனசாலைக்குச் செல்ல வெளிநாட்டவர்களிடம் இருந்து இந்திய ரூபா 300 நுழைவுக் கட்டணம் அறவிடப்படுகிறது. எனினும் எதிர்வரும் ஏப்ரல் 1ம் திகதி தொடக்கம் இலங்கை பிரஜைகள் இந்திய ரூபா 10 நுழைவுக் கட்டணம் செலுத்தி் உட்செல்ல முடியும் என கொழும்பில் உள்ள இந்திய தூதரகம் அறிவித்துள்ளது.

இலங்கை பிரஜைகளுக்கு மாத்திரமே இச்சலுகை வழங்கப்படுவதாக இந்திய தூதரகம் விடுத்துள்ள அறிக்கையில் தெரிவிக்கப்பட்டுள்ளது.