வெவ்வேறு இடங்களில் இடம்பெற்ற விபத்தில் நால்வர் படுகாயம்

நாட்டில் வெவ்வேறு இடங்களில் இடம்பெற்ற வாகன விபத்தில் நான்கு பேர் படுகாயமடைந்து வைத்தியசாலையில் சிகிச்சை பெற்றுவருவதாக பொலிஸார் தெரிவித்தனர்.
ஜீப் வண்டி மோதியதில் பெண்ணொருவர் படுகாயம்

ஹற்றன் நகரில் டெலிகொம் நிறுவனத்திற்கு அருகாமையில் உள்ள வீதிக் கடவையில் சென்று கொண்டிருந்த குறித்த பெண் மீது ஜீப் வண்டி மோதியதாக பொலிஸார் தெரிவித்தனர்.

இவவிபத்தில் படுகாயமடைந்த பெண் டிக்கோயா கிளங்கன் வைத்தியசாலையில் அனுமதிக்கப்பட்டு சிகிச்சை பெற்று வருகின்றார்.

இவ்விபத்து இன்று முற்பகல் 11.30 மணியளவில் இடம்பெற்றுள்ளதாக விசாரணைகளை மேற்கொள்ளும் ஹற்றன் பொலிஸார் தெரிவித்தனர்.

ஹற்றன்- டிக்கோயா தோட்டப்பகுதியிலிருந்து ஹற்றன் நகரை நோக்கி சென்ற ஜீப் வண்டியே இவ்வாறு குறித்த பெண் மீது மோதியுள்ளது.

விபத்தை அடுத்து சந்தேக நபரான ஜீப் வண்டி சாரதி கைது செய்யப்பட்டுள்ளதோடு, அவரை ஹற்றன் நீதவான் நீதிமன்றத்தில் ஆஜர்படுத்த நடவடிக்கைகள் எடுத்திருப்பதாக
பொலிஸார் தெரிவித்தனர்.