தமிழகத்தில் கனமழையால் 230 பேர் பலி

by oviya Sat Nov 21, 2015 2:08 pm

தமிழகத்தில் பெய்த கனமழையால் இதுவரை 230 பேர் பலியாகியுள்ளனர்.
தமிழகத்தில் கடந்த சில நாட்களாக விடாது பெய்து வந்த கனமழையால், குளங்கள், ஏரிகள் நிரம்பி ஆறுகளில் வெள்ளப்பெருக்கு ஏற்பட்டுள்ளது.

இதனால் தமிழகத்தின் பல பகுதிகளில் உள்ள மக்கள் தங்கள் வீடு, உடைமைகளை இழந்து தவித்து வருகின்றனர்.

அவர்களை பள்ளிக்கூடம் மற்றும் சமுதாய கூடங்களில் தற்காலிகமாக தங்க வைத்துள்ளனர்.

மழையால் கடலூர், விழுப்புரம், காஞ்சிபுரம், திருவள்ளூர், சென்னை உள்ளிட்ட மாவட்டங்கள் அதிகமாக பாதிக்கப்பட்டுள்ளன.

இதனிடையே தமிழகத்தில் மழை, வெள்ளத்துக்கு இதுவரை 230 பேர் பலியாகியுள்ளதாக காவல்துறை தெரிவித்துள்ளது.

கடலூர் மாவட்டத்தில் 53 பேரும், சென்னையில் 30 பேரும், விழுப்புரம் மாவட்டத்தில் 20 பேரும், காஞ்சிபுரம் மாவட்டத்தில் 39 பேரும் உயிரிழந்துள்ளதாக காவல்துறை தெரிவித்துள்ளது.