எண்ணத்தில் நலமிருந்தால் கனவு தமிழகம் உருவாகும்: கனவு புத்தகத்தை முடிக்காமல் மறைந்த அப்துல்கலாம்

அப்துல்கலாம் தமிழகத்தை மையமாக வைத்து எழுதிவந்த புத்தகம், முடிக்கப்படாத நிலையில் அவர் மறைந்து விட்டதாக தகவல் வெளியாகி உள்ளது.
தமிழ் மொழி மீது மிகுந்த பற்று கொண்ட அப்துல் கலாம், தனது வாழ்க்கை வரலாற்றை ‘அக்னிச் சிறகுகள்’ என்ற தலைப்பில் புத்தகமாக எழுதி இருக்கிறார்.

‘இந்தியா 2020’ என்பது உள்பட பல புத்தகங்களை அவர் எழுதி உள்ளார். 2020-ம் ஆண்டுக்குள் இந்தியாவை வல்லரசு நாடாக மாற்றுவதற்கு முன்னோடியாக திகழ்ந்தார்.

இதேபோல் தமிழகத்தை வளர்ச்சியடைந்த மாநிலமாக மாற்றும் திட்டங்களுடன் "எண்ணத்தில் நலமிருந்தால் கனவு தமிழகம் உருவாகும், புயலை தாண்டினால் தென்றல்" என்ற புத்தகத்தை எழுதிவந்தார்.

தமிழில் அவர் எழுதிவந்த இந்த புத்தகத்தின் 7 அத்தியாயங்கள் மட்டும் நிறைவடைந்திருப்பதாக கலாமின் ஆலோசகராக இருந்த பொன்ராஜ் தெரிவித்துள்ளார்.

இந்த புத்தகம் தொடர்பாக கடந்த வியாழக்கிழமை கூட பொன்ராஜுடன் கலாம் ஆலோசித்துள்ளார்.

தமிழகத்தின் வளர்ச்சிகுறித்து பெரும் கனவுகளை வைத்திருந்த அப்துல்கலாம், புத்தகத்தை எழுதிமுடிக்கும் முன்பே மறைந்துவிட்டார்.