அம்பேத்கரின் பேரன் மீது மர்ம நபர்கள் தாக்குதல்: பரபரப்பு தகவல்

டாக்டர் அம்பேத்கரின் பேரன் மீது மர்ம நபர்கள் தாக்குதல் நடத்தியுள்ள சம்பவம் மும்பையில் பரபரப்பை ஏற்படுத்தியுள்ளது.
மும்பையில் உள்ள தாதர் பகுதியில் சட்ட மேதை அம்பேத்கருக்கு நினைவிடம் கட்ட அவரது பேரனும், ரிபப்ளிகன் சேனா கட்சியின் தலைவருமான ஆனந்தராஜ் அம்பேத்கர் முயன்று வருகிறார்.

இந்நிலையில், மகாராஷ்டிர மாநிலம், ராய் காட் பகுதியில் ஆனந்தராஜ் மீது மர்ம நபர்கள் தாக்குதல் நடத்தியுள்ளனர்.

இந்த தாக்குதலை சிவசேனா தொண்டர்கள் நடத்தியதாக கூறப்படுகிறது.

இது குறித்து ரிபப்ளிகன் சேனா மாநில பொதுச் செயலாளர் வசந்த் காம்ப்ளி கூறுகையில், கல்லூரி முதல்வரை அவரது அலுவலகத்தில் சந்திக்க ஆனந்தராஜ் அம்பேத்கர் சென்று கொண்டிருந்த போது, சிலர் அவர் மீது தாக்குதல் நடத்தியுள்ளனர்.

இருப்பினும் அவருடன் சென்றவர்கள் ஆனந்தராஜை பாதுகாப்பாக அழைத்துச் சென்றனர்.

இதில், ஆனந்தராஜ் காயமடையாமல் தப்பிய போதும், அவருடன் சென்ற 4 பேர் காயமடைந்தனர் என்று தெரிவித்துள்ளார்.

மேலும், இந்த தாக்குதல் குறித்த புகாரின் பேரில் காவல்துறையினர் வழக்குப் பதிவு செய்து விசாரணை நடத்தி வருகின்றனர்.