சரத்பொன்சேகாவின் அடிப்படை உரிமை மீறல் மனு இரத்து

பீல்ட் மார்சல் சரத் பொன்சேகாவின் செயலாளரினால் தாக்கல் செய்யப்பட்ட மனு நிராகரிக்கப்பட்டுள்ளது.
நாடாளுமன்ற உறுப்பினர் பதவியை மீளப் பெற்றுத்தருமாறு கோரி உச்ச நீதிமன்றில் மனுவொன்று தாக்கல் செய்யப்பட்டிருந்தது.

சரத் பொன்சேகாவின் செயலாளர் சேனக்க டி சில்வாவினால் இந்த அடிப்படை உரிமை மீறல் மனு தாக்கல் செய்யப்பட்டிருந்தது.

ஜனாதிபதி மைத்திரிபால சிறிசேன பொது மன்னிப்பு வழங்கிய காரணத்தினால் நாடாளுமன்ற உறுப்புரிமையை மீள வழங்குமாறு மனுவில் கோரப்பட்டிருந்தது.

மீண்டும் நாடாளுமன்ற உறுப்புரிமையை வழங்க நாடாளுமன்ற செயலாளர் நாயகத்திற்கு உத்தரவிடுமாறு மனுவில் குறிப்பிடப்பட்டிருந்தது.

எவ்வாறெனினும் இவ்வாறான மனுவொன்றை தாக்கல் செய்ய சேனக்க டி சில்வாவிற்கு எவ்வித சட்ட அதிகாரமும் கிடையாது என சட்ட மா அதிபர் எதிர்ப்பை வெளியிட்டுள்ளார்.

இதனை அடுத்து குறித்த மனு நிராகரிக்கப்பட்டுள்ளது.