மகிந்தவின் கூற்று தவறானது: ருவான் குணசேகர

நிதி மோசடி விசாரணை பிரிவு ஐக்கிய தேசிய கட்சியின் கிளை காரியாலயமாக செயற்படுகின்றது எனும் முன்னாள் ஜனாதிபதி மகிந்த ராஜபக்சவின் கூற்று தவறானது.
பிரதி பொலிஸ் அத்தியட்சகரும், பொலிஸ் ஊடக பேச்சாளருமான ருவான் குணசேகர ஆங்கில ஊடகமொன்றிற்கு இவ்வாறு தெரிவித்துள்ளார்.

நிதி மோசடி விசாரணைப் பிரிவு ஐக்கிய தேசியக் கட்சியின் ஓர் கிளையாக இயங்கி வருகின்றது என முன்னாள் ஜனாதிபதி மஹிந்த ராஜபக்ச குற்றம் சுமத்தியிருந்தார்.

முன்னாள் ஜனாதிபதியின் இந்த கூற்றை ஏற்றுக்கொள்ள முடியாது எனவும், இது முற்றிலும் தவறானது எனவும் அவர் தெரிவித்துள்ளார்.

நிதி மோசடி விசாரணை பிரிவு உரிய விதிமுறைகளை பின்பற்றி வரும் ஒரு பிரிவு என பொலிஸ் ஊடக பேச்சாளர் சுட்டிக்காட்டியுள்ளார்.

சில சந்தர்ப்பங்களில் விசாரணை தொடர்பான பி அறிக்கை, விசாரணை நடத்தப்படுவதற்கு முன்னர் நீதிமன்றத்திடம் ஒப்படைக்கப்படும் எனவும்,

சில சந்தர்ப்பங்களில் விசாரணைகளின் பின்னர் பி அறிக்கை சமர்ப்பிக்கப்படும் எனவும் இது வழமையான விடயம் எனவும் அவர் சுட்டிக்காட்டியுள்ளார்.

முன்னாள் ஜனாதிபதி டுபாய் ஹோட்டல் ஒன்றுக்கும், ஒருவல உருக்கு ஆலைக்கும் உரிமையாளராக இருப்பதாக குற்றம் சுமத்தப்பட்டுள்ளது.

எனினும் இந்த குற்றச்சாட்டுக்களை முன்னாள் ஜனாதிபதி நிராகரித்துள்ளார் என ஊடக பேச்சாளர் சுட்டிக்காட்டியுள்ளார்.