லஞ்ச ஊழல் ஆணைக்குழுவின் விடயங்களில் பிரதமர் தலையீடு செய்ய முடியாது!– அஜித் பெரேரா

லஞ்ச ஊழல் மோசடி தவிர்ப்பு ஆணைக்குழுவின் விடயங்களில் பிரதமரோ அல்லது நாடாளுமன்றமோ தலையீடு செய்ய முடியாது என பிரதி வெளிவிவகார அமைச்சர் அஜித் பெரேரா தெரிவித்துள்ளார்.
அவ்வாறு தலையீடு செய்ய முயற்சித்தால் அதனை நாம் எதிர்க்கின்றோம்.

அரசியல் சாசனத்தின் 35ம் சரத்து குறித்து நாடாளுமன்ற உறுப்பினர் சுசில் பிரேமஜயந்த குறிப்பிட்டிருந்தார்.

முன்னாள் ஜனாதிபதி சந்திரிக்கா பண்டாரநாயக்கவிற்கு எதிரான வழக்கு ஒன்றின் போது பதவியில் இருக்கும் காலத்தில் மட்டுமே வழக்குத் தொடர முடியாது என நீதிமன்றம் அறிவித்திருந்தது.

அனைவருக்கும் சட்டத்தை சமனாக்கும் நோக்கில் 19ம் திருத்தச் சட்டம் அமுல்படுத்தப்படுகின்றது.

முன்னாள் ஜனாதிபதி மஹிந்த ராஜபக்ச,லஞ்ச ஊழல் மோசடி தவிர்ப்பு ஆணைக்குழுவிற்கு சாட்சியாளராகவே அழைக்கப்பட்டுள்ளதாக ஊடகங்களில் செய்தி வெளியிடப்பட்டுள்ளது.

நாடாளுமன்ற உறுப்பினர்களின் சிறப்புரிமைகளை பாதுகாப்பதனைப் போன்றே, பிரஜைகளின் உரிமைகளையும் பாதுகாக்க வேண்டும் என அஜித் பெரேரா தெரிவித்துள்ளார்.