முன்னாள் அமைச்சர் ரம்புக்வெல்லவின் இல்லத்தில் குடியேறும் ஜனாதிபதி மைத்திரிபால

கொழும்பு 7 கெப்பிட்டிபொல மாவத்தையில் உள்ள முன்னாள் அமைச்சர் கெஹெலிய ரம்புக்வெல்லவின் உத்தியோகபூர்வ வாசஸ்தலம், ஜனாதிபதி மைத்திரிபால சிறிசேனவின் உத்தியோகபூர்வ இல்லமாக மாற்றப்பட உள்ளதாக அரசாங்கத்தின் தகவல்கள் தெரிவிக்கின்றன.
இந்த இல்லத்தை முன்னாள் ஜனாதிபதி டி.பி. விஜேதுங்க தனது உத்தியோகபூர்வ இல்லமாக பயன்படுத்தினார். தற்போது இந்த இல்லம் புனரமைக்கப்பட்டு வருகிறது.

தான் ஜனாதிபதியாக தெரிவு செய்யப்பட்டால், ஜனாதிபதி மாளிகையிலேயோ அல்லது அலரி மாளிகையிலேயோ வசிக்க போவதில்லை என மைத்திரிபால சிறிசேன ஏற்கனவே அறிவித்திருந்தார்.

கொழும்பு 7 விஜேராம மாவத்தையில் உள்ள ஜனாதிபதி மைத்திரிபால சிறிசேன வசித்து வந்த இல்லம், முன்னாள் ஜனாதிபதி மகிந்த ராஜபக்சவுக்கு வழங்கப்பட்டுள்ளது