புதிய அரசாங்கத்தின் ஓய்வூதிய கொடுப்பனவு அதிகரிப்பு: ஹர்ஷ டி சில்வா விளக்கம்

புதிய அரசாங்கத்தினால் ஓய்வுதியகாரர்களுக்கு வழங்கப்படும் மேலதிக கொடுப்பனவு தொடர்பில் பிரதி நிதியமைச்சர் ஹர்ஷ டி சில்வா விளக்கம் அளித்துள்ளார்.

முன்னாள் ஜனாதிபதி மகிந்த ராஜபக்ச ஓய்வூதியம் பெறுபவர்களுக்கு 2500 ரூபா அதிகரித்ததோடு புதிய அரசாங்கத்தினால் 1000 ரூபாய் அதிகரித்ததனால் ஓய்வூதியம் பெறுபவர்களுக்கு கொடுப்பதாக கூறிய 3500 ரூபாய் முழுமையடைந்துள்ளதாக அவர் குறிப்பிட்டார்.

புதிய அரசாங்கத்தின் 100 நாள் வேலை திட்டத்தில் ஓய்வூதியம் பெறுபவர்களுக்கு 3500 ரூபாய் வழங்குவதாக தெரிவித்தோம். எனினும் வரவு செலவு திட்டத்தில் 1000 ரூபாவே அதிகரித்தோம். அப்படி செய்தது முன்னாள் ஜனாதிபதி மகிந்த ராஜபக்சவின் வரவு செலவு திட்டத்தில் 2500ரூபா அதிகரித்திருந்தார். இரண்டையும் சேர்ந்தே முழுமையாக 3500 ரூபா அதிகரிப்பு என குறிப்பிடப்பட்டதாக பிரதியமைச்சர் மேலும் தெரிவித்துள்ளார்.

கொழும்பில் இடம் பெற்ற ஊடக சந்திப்பில் கலந்துக்கொண்டு அவர் கருத்து வெளியிட்டார்.