ஒபாமா இந்தியா வந்தடைந்தார். - ஒபாமாவுக்காக காத்திருக்கும் நம்ம ஊரு ‘செட்டிநாடு சிக்கன்’!

அமெரிக்க அதிபர் பராக் ஒபாமா இந்தியா வந்தடைந்தார். தனி சிறப்பு விமானம் மூலம் ஒபாமா டெல்லி விமான நிலையத்திற்கு வந்தடைந்தார்.
ஒபாமா வந்த விமானம் டெல்லி பாலம் விமான நிலையில் தரையிறங்கியது. ஒபாமாவுடன் மனைவி மிச்செல் மற்றும் பாதுகாப்பு அதிகாரிகளும் வருகை தந்துள்ளார்.

ஒபாமாவுக்கு சிவப்பு கம்பள வரவேற்பு அளிக்கப்படுகிறது. இந்தியா வந்த அமெரிக்க அதிபர் ஒபாமாவை கட்டியணைத்து பிரதமர் நரேந்திர மோடி வரவேற்றார். ஒபாமா வருகையை ஒட்டி டெல்லியில் வரலாறு காணாத அளவுக்கு பாதுகாப்பு அளிக்கப்பட்டுள்ளது.

ஜனாதிபதி மாளிகை விருந்தில் ஒபாமாவுக்காக காத்திருக்கும் நம்ம ஊரு ‘செட்டிநாடு சிக்கன்’!

குடியரசு தின விழாவுக்காக இந்தியா வந்துள்ள அமெரிக்க அதிபர் ஒபாமாவிற்கு இன்று இரவு, ஜனாதிபதி மாளிகையில் பிரணாப் முகர்ஜி விருந்து அளிக்கிறார்.

இந்தியாவின் 66வது குடியரசு தின விழாவில் கலந்து கொள்வதற்காக மனைவியுடன் இந்தியா வந்துள்ளார் அமெரிக்க அதிபர் ஒபாமா. விமானம் வாயிலாக டெல்லி வந்திறங்கிய ஒபாமா, இரவு ஜனாதிபதி மாளிகை விருந்தில் கலந்து கொள்கிறார்.

இந்த விருந்தில், ஒபாமா மனைவி மிஷல், துணை ஜனாதிபதி ஹமீத் அன்சாரி, பிரதமர் மோடி, காங்., தலைவர் சோனியா உள்ளிட்டோர் பங்கேற்கின்றனர்.

விருந்தில் பரிமாறப்பட உள்ள உணவு வகைகள்:*சிம்லாவில் இருந்து வரவழைக்கப்பட்ட, 'டிரவுட்' மீன் பொரியல்.*வெல்லத்தால் செய்யப்பட்ட, 'சந்தேஷ்' எனப்படும் பெங்காலி இனிப்பு. *மோர்க்குழம்பு போன்ற, 'கடி' எனப்படும் குஜராத்தி வகை சைடு டிஷ்.* புகழ்பெற்ற தமிழகத்தின், 'செட்டிநாடு சிக்கன்' வகைகள். *அலகாபாத் ஸ்டைல், 'கெபாப்' இறைச்சி. *கோவா கறிக்குழம்பு மற்றும் பஞ்சாபி உணவு வகைகள்.ஜனாதிபதி மாளிகையின் தலைமை சமையல்காரர் மச்சீந்திரா கச்சோரி தலைமையில், ஐந்து நட்சத்திர ஓட்டலில் இருந்து வரவழைக்கப்பட்டுள்ள பிரபல சமையல்காரர்கள் இந்த உணவு வகைகளை தயார் செய்யவுள்ளனர்.