இலங்கைக்கு எதிரான மீன்பிடித்தடையை நீக்க மங்கல சிசெல்ஸ் செல்கிறார்

வெளியுறவு அமைச்சர் மங்கல சமரவீர எதிர்வரும் வாரத்தில் சிசெல்சுக்கு விஜயம் செய்யவுள்ளார்.
இலங்கையில் இருந்து மீன்கள் இறக்குமதி செய்வதை ஐரோப்பிய ஒன்றியம் கடந்த 15ஆம் திகதி முலம் இலங்கையில் இருந்து மீன்களின் இறக்குமதியை தடைசெய்துள்ளது.

சர்வதேச கடற்பரப்பில் இலங்கையின் அத்துமீறல்கள் காரணமாகவே இந்த தடை விதிக்கப்பட்டுள்ளது.

இந்த நிலையில் குறித்த பிரச்சினையை கையாண்டு தீர்வை காண்பதற்காக ஏற்பாட்டாளராக பிரதமர் ரணில் விக்கிரமசிங்க ஐரோப்பிய நாடாளுமன்ற உறுப்பினர் தேவா ஆதித்யாவை நியமித்துள்ளார்.

அவர் ஏற்கனவே தமது பணிகளையும் ஆரம்பித்துள்ளார். இதற்கு மத்தியிலேயே மங்கல சமரவீரவும் சிசெல்க்கு செல்கிறார்.

2013ஆம் ஆண்டில் மாத்தில் ஐரோப்பியாவுக்கான மீன் ஏற்றுமதியின் மூலம் இலங்கைக்கு 74 மில்லியன் யூரோக்கள் வருமானமாக கிடைத்தன.