டிக்கோயா தரவளையில் மக்கள் ஆா்ப்பாட்டம்

ஹற்றன் டிக்கோயா தரவளை தோட்டத்திற்கு செல்லும் பிரதான வீதி சேதமடைந்து இருப்பதானால் அதனை புனரமைத்து தருமாறு கோரி இன்று காலை இத்தோட்ட மக்கள் அவ்வீதியில் ஆர்ப்பாட்டத்தில் ஈடுப்பட்டனர்.
கடந்த அரசாங்கத்திலிருந்த இருந்த அமைச்சர்மார்களிடம் இவ்வீதியை புனரமைத்து தருமாறு பல தடவைகள் கோரிய போதிலும் எவரும் இதனை கண்டுக்கொள்ளவில்லை என ஆர்ப்பாட்டத்தில் ஈடுப்பட்ட இத்தோட்ட மக்கள் குற்றம் சுமத்தினர்.

டிக்கோயா நகரத்திலிருந்து தரவளைக்கு செல்லும் சுமார் 4.5 கிலோமீற்றர் தூரம் கொண்ட இப்பாதை செப்பனிடப்படாமல் சுமார் பல வருடங்களாக இழுபறியான நிலையில் உள்ளது எனவும் இவ்வீதியை திருத்தி அமைத்துக் கொடுப்பதாக வாக்குறுதிகளை வழங்கிய போதும் அவை இதுவரை நிறைவேற்றப்படவில்லையென இப்பிரதேச மக்கள் சுட்டிக்காட்டிகின்றனர்.

எனவே இவ்வீதியை காலம் தாழ்த்தாமல் மிக விரைவில் புனரமைத்து தர அரசியல்வாதிகள் முன்வரவேண்டும் என இத்தோட்ட மக்கள் தெரிவித்தனர்.