சீனாவுக்கு மகிந்த வழங்கிய காணிகளை மைத்திரி திரும்பபெறுவாரா?

முன்னாள் ஜனாதிபதி மகிந்த ராஜபக்ஷ அரசாங்கத்தினால், இலங்கையின் பொருளாதார அபிவிருத்திட்டங்களில் முக்கிய பங்குகள் சீன அரசாங்கத்திற்கு வழங்கப்பட்டன.
அம்பாந்தோட்டை துறைமுகத்தின் நிர்மாணிப்பு பணிகள், நுரைச்சோலை அனல் மின் நிலைய நிர்மாணிப்புகள், தெற்கு அதிவேக நெடுஞ்சாலையின் நிர்மாணிப்பு பணிகள், கொழும்பு தெற்கு துறைமுக முனையம், கொழும்பு துறைமுக நகர் நிர்மாணிப்பு பணிகள் என்பவற்றை மகிந்த அரசாங்கம் சீனாவுக்கே வழங்கியது.

இதனால், அதிகளவிலான சீன தொழிலாளர்கள் இலங்கையில் நடைபெறும் அபிவிருத்தி நிர்மாணப் பணிகளில் பணியாற்றி வருகின்றனர்.

இலங்கையில் புதிய ஜனாதிபதியாக மைத்திரிபால சிறிசேன பதவியேற்றுள்ள நிலையில், சீனாவுக்கு வழங்கப்பட்டுள்ள அபிவிருத்தித்திட்டங்கள் நிறுத்தப்படுமா என்ற கேள்விகள் எழுந்துள்ளன.

இப்படியான சூழ்நிலையில், இலங்கையில் பணியாற்றும் சீன தொழிலாளி ஒருவர் எம்.ஆர். (மகிந்த ராஜபக்ஷ) வழங்கிய காணியை மைத்திரி திரும்ப பெறுவாரா? என்று சிங்களத்தில் எழுத்தப்பட்ட வாசக அட்டையை ஏந்தியிருக்கும் புகைப்படம் ஒன்று வெளியாகியுள்ளது.