பொது மக்களின் மின் கட்டணத்தில் கோத்தபாயவின் தனியார் பல்கலைக்கழகம்

தேசிய சேமிப்பு வங்கியில் அதிக வட்டியில் 10 மில்லியன் கடனை பெறுமாறு இலங்கை மின்சார சபைக்கு அழுத்தம் கொடுத்து அதன் மூலம் கோத்தபாய ராஜபக்ஷ கொத்தலாவல பாதுகாப்பு கல்லூரி என்ற பெயரில் தனது தனியார் பல்கலைக்கழகத்தை ஆரம்பித்ததாக அமைச்சர் சம்பிக்க ரணவக்க தெரிவித்துள்ளார்.
அந்த பல்கலைக்கழகத்தில் மருத்துவ பீடத்தையும் வைத்தியசாலையையும் ஆரம்பிக்க மின் கட்டணங்களை அதிகரித்து மக்களிடம் இருந்து பணத்தை அறவிட்டதாகவும் அவர் கூறியுள்ளார்.

மருத்துவ பீடத்தின் வைத்தியசாலையை நிர்மாணிப்பதற்காக முன்னாள் பாதுகாப்புச் செயலாளர் மின்சார சபைக்கு அழுத்தம் கொடுத்து தேசிய சேமிப்பு வங்கியில் அதிக வட்டியில் கடனை பெற்றதாகவும் அவர் கூறியுள்ளார்.

இவ்வாறு தனிப்பட்ட பண இலாபத்திற்காக மக்களிடம் கொள்ளையிடும் நடவடிக்கைகளை ராஜபக்ஷ குடும்பத்தினர் அனைத்து சகோதரர்களும் அரசாங்கத்தின் இறுதி வரை மேற்கொண்டதாகவும் சம்பிக்க ரணவக்க குறிப்பிட்டுள்ளார்.