மனுஸ், நவ்ரு தீவுகளில் உள்ள அகதிகளின் நிலைமை கவலைக்கிடமாகவுள்ளது: இயன் ரிண்டோல்

அவுஸ்திரேலியா, புகலிடக் கோரிக்கையாளர்களை அதன் அண்மைய தீவுகளுக்கு அனுப்பி சிறைக் கூடத்துக்கு ஒப்பான முறையில் அடைத்து வைத்துள்ளது.
இதன் காரணமாக கடந்த 10 நாட்களாக தொடர்ச்சியாக புகலிடக்கோரிக்கையாளர்களால் நடத்தப்பட்டுவரும் உண்ணாவிரத போராட்டத்தினால் பலரின் நிலைமை மிகவும் கவலைக்கிடமாக உள்ளதாக இயன் ரிண்டோல் தெரிவித்துள்ளார்.

தங்களது கோரிக்கைகள் நிறைவேறும் வரைக்கும் தொடர்ந்து உண்ணாவிரதம் இருப்பதாகவும் தாங்கள் மரணித்தால் தங்களது உடல் பாகங்களை அமைச்சருக்கு தானமாக வழங்குமாறு அவர்கள் கேட்டுக்கொண்டதாக இயன் தெரிவித்தார்.

கடந்த காலங்களில் இந்த கடும்போக்கு கொள்கை காரணமாக புகலிடம் கோரிய 25 பேர் அவுஸ்திரேலியாவில் மரணித்தமை குறிப்பிடத்தக்கது.