கையூட்டல் மற்றும் ஊழல் தவிர்ப்பு ஆணைக்குழுவின் ஆணையாளர் நாயகம் மாற்றம் செய்யப்பட உள்ளார்

கையூட்டல் மற்றும் ஊழல் தவிர்ப்பு ஆணைக்குழுவின் ஆணையாளர் நாயகம் மாற்றம் செய்யப்பட உள்ளதாகத் தெரிவிக்கப்படுகிறது.
ஆணைக்குழுவில் கடமையாற்றி வரும் ஏனைய அதிகாரிகள் தொடர்பிலும் கவனம் செலுத்தப்பட்டு வருவதாக அமைச்சர் ராஜித சேனாரட்ன தெரிவித்துள்ளார். கையூட்டல் மற்றும் ஊழல் தவிர்ப்பு ஆணைக்குழுவில் மாற்றங்கள் செய்யப்பட வேண்டும்.

ஆணைக்குழுவின் அதிகாரங்களை மேலும் வலுப்படுத்த வேண்டும். ஆணைக்குழுவிற்கு புதிய ஆணையாளர் நாயகம் ஒருவரை நியமிப்பது குறித்த ஆவணம் ஜனாதிபதி மைத்திரிபால சிறிசேனவிடம் ஒப்படைக்கப்பட உள்ளது.

ஆவணம் ஒப்படைக்கப்பட்ட உடன் ஜனாதிபதியின் அனுமதியுடன் புதிய ஆணையாளர் நயாகம் ஒருவர் நியமிக்கப்படுவார். அதன் பின்னர் கையூட்டல் மற்றும் ஊழல் மோசடி தவிர்ப்பு ஆணைக்குழு வலுவான ஓர் நிறுவனமாக இயங்கும் என ராஜித சேனாரட்ன நம்பிக்கை வெளியிட்டுள்ளார்.