பல்கலைக்கழக மாணவர்களுக்கான தலைமைத்துவ பயிற்சி ரத்து

பல்கலைக்கழக மாணவர்களுக்கு வழங்கப்பட்டு வந்த தலைமைத்துவ பயிற்சிகளுக்கு சென்று பெற்ற பயிற்சிகளால் எந்த நன்மையும் ஏற்படவில்லை என உயர் கல்வி ராஜாங்க அமைச்சர் ரஜீவ விஜேசிங்க தெரிவித்துள்ளார்.
உயர்கல்வி அமைச்சின் கேட்போர் கூடத்தில் இன்று நடைபெற்ற ஊடகவியலாளர் சந்திப்பில் அவர் இதனை கூறியுள்ளார்.

பல்கலைக்கழக மாணவர்களுக்கு அவர்களுக்கு தேவையானது வழங்கப்பட வேண்டுமேயன்றி அரசாங்கத்திற்கு தேவையானதை அவர்களுக்கு வழங்கக் கூடாது எனவும் அவர் சுட்டிக்காட்டியுள்ளார்.

பல்கலைக்கழக மாணவர்களுக்காக பலன் தரும் நிகழ்ச்சித் திட்டங்கள் அறிமுகப்படுத்தப்படும் எனவும் உயர்கல்வி ராஜாங்க அமைச்சர் குறிப்பிட்டுள்ளார்.