வங்கிக்கு சென்ற தாயையும் மகளையும் காணவில்லை: வடமராட்சியில் பதற்றம்

யாழ்ப்பாணம் வடமராட்சி கற்கோவளம் தபால்பெட்டிச்சந்தியைச் சேர்ந்த பிரதாப் ஜெனிஸ்ரலா விஜயகுமார் அவரது மகள் பிரதாப் சரணியா ஆகிய இருவருமே காணாமல் போயுள்ளதாக பொலிஸில் முறைப்பாடு செய்யப்பட்டுள்ளது.
நெல்லியடியில் அமைந்திருக்கும் வங்கியொன்றுக்கு சென்று வருவதாக கூறிச்சென்ற இருவரும் இதுவரையில் வீடு திரும்பவில்லை எனவும் காணாமல் போயுள்ள பெண்ணின் அலைபேசியும் நிறுத்தி வைக்கப்பட்டுள்ளதாகவும் முறைப்பாட்டில் தெரிவிக்கப்பட்டுள்ளது.

குறித்த பெண்ணும் குழந்தையும் பருத்தித்துறை ஆனைவிழுந்தான் பற்றைப்பகுதியில் நஞ்சருந்திய நிலையில் மயங்கிக்கிடப்பதாக காணமல்போன பெண்ணின் நண்பியொருவரின் கணவர், பெண்ணின் உறவினர்களை அலைபேசியில் தொடர்பு கொண்டு தெரிவித்துள்ளார். எனினும் சம்பவ இடத்துக்கு சென்ற வேளை அங்கு எவரும் இருக்கவில்லை.

இதனையடுத்து பருத்தித்துறை பொலிஸார் தீவிர விசாரணைகளை மேற்கொண்டு வருகின்றனர்.