பாப்பரசரின் இலங்கை வருகையை முன்னிட்டு 1000 கைதிகள் விடுதலை

பரிசுத்த பாப்பரசர் முதலாம் பிரான்ஸிஸ் திருத்தந்தையின் இலங்கை விஜயத்தை முன்னிட்டு ஆயிரம் சிறைக் கைதிகள் விடுதலை செய்யப்பட உள்ளனர்.
இலங்கை முழுவதிலும் உள்ள சிறைச்சாலைகளில் தண்டனை அனுபவித்து வரும் கைதிகள் விடுதலை செய்யப்பட உள்ளனர்.

திருத்தந்தையின் இலங்கையை விஜயத்தை முன்னிட்டு இவ்வாறு கைதிகள் விடுதலை செய்யப்பட உள்ளதாக சிறைச்சாலைகள் திணைக்களப் பேச்சாளர் துசார உபுல்தெனிய தெரிவித்துள்ளார்.

அபராதப் பணத்தை செலுத்த முடியாதவர்கள், சிறு குற்றச் செயல்களில் ஈடுபட்டு தண்டனை அனுபவிப்பவர்கள் இவ்வாறு விடுதலை செய்யப்பட உள்ளனர்.

கைதிகளை விடுதலை செய்வது குறித்து நீதி அமைச்சர் விஜயதாச ராஜபக்சவுடன் நேற்று நீதி அமைச்சில் பேச்சுவார்த்தை நடத்தப்பட்டது என அவர் குறிப்பிட்டுள்ளார்.

இன்று முற்பகல் 10.00 மணியளவில் வெலிக்கடை சிறைச்சாலையில் கைதிகளை விடுதலை செய்யும் பிரதான நிகழ்வு நடைபெறவுள்ளது.