தேர்தல் ஆணையாளரின் பாதுகாவலர் விபத்தில் பலி

தேர்தல் ஆணையாளர் மகிந்த தேசப்பிரியவின் வாகனத்திற்கு முன்னால் பாதுகாப்பு வழங்கி மோட்டார் சைக்கிளில் பயணித்த பொலிஸ் உத்தியோகஸ்தர் ஒருவர் விபத்தில் உயிரிழந்துள்ளார்.
இந்த சம்பவம் இன்று காலை இடம்பெற்றுள்ளதுடன் மற்றுமொரு பொலிஸ் அதிகாரியுடன் மோட்டார் சைக்கிளில் பயணித்து கொண்டிருந்த போதே இந்த விபத்து ஏற்பட்டுள்ளது.

மகரகம-வத்தேகெதர பிரதேசத்தில் வாகனம் ஒன்றில் மோதுண்டு காயமடைந்த இரு உத்தியோகஸ்தர்களும் களுபோவில வைத்தியசாலையில் அனுமதிக்கப்பட்டனர்.

இதில் 28 வயதான உத்தியோகஸ்தர் சிகிச்சை பலனின்றி உயிரிழந்தார்.